குறிப்புக்கள் - (Notes)
வேறுபாடுகள் - (Pathanthara)
¹ - நீ பத₃ ஸாரஸமுலே - நின்னே பத₃ ஸாரஸமுலே : இவ்விடத்தில், 'நின்னே' என்பது தவறாகும்.
³ - ரக்ஷிஞ்சுடகிதி₃ மஞ்சி ஸமயமம்மா - ரக்ஷிஞ்சுடகிதி₃ ஸமயமம்மா.
Top

மேற்கோள்கள்
⁴ - கத₃ம்ப₃ கானன - கதம்ப வனம் - மதுரை, 'கதம்ப வனம்' எனப்படும்.
⁷ - ரமா - ரமை - இலக்குமி. அம்மையின் ஓர் பெயர். லலிதா ஸஹஸ்ர நாமம் (313) நோக்கவும்.
Top

விளக்கம்
² - கன்னாகு லதா லவித்ரீ - இங்ஙனமே எல்லா புத்தகங்களிலும் கொடுக்கப்பட்டுள்ளது. இதற்கு, 'கொழுந்து வெற்றிலையை விரும்புபவள்' என்று பொருள் கொள்ளப்பட்டுள்ளது. 'கன்னாகு' என்பதற்கு 'வெற்றிலை' என்று பொருளாகும். ஆனால், 'லவித்ரீ' என்பதற்கு 'அரிவாள்' என்று பொருளாகும். ஸ்யாமா ஸாஸ்த்ரியின் புதல்வர், சுப்பராய ஸாஸ்த்ரி, தமது, 'ஜனனி நின்னு வினா' என்ற 'ரீதி கௌள' கிருதியில் 'க₄ன பாப லதா லவித்ரீ' என்று அம்மையை அழைக்கின்றார். இதற்கு, 'கொடிய பாவக்கொடியை வெட்டும் அரிவாள்' என்று பொருளாகும். மற்ற சில தோத்திரங்களிலும் 'லவித்ர', 'லவித்ரி' என்ற சொல், 'வெட்டுதல்' என்ற பொருள்படவே பயன்படுத்தப்பட்டுள்ளது.
'கன்னாகு' என்பதற்கு 'சக்கரத்தின் கடைசிக் கதிர்' (final spoke of wheel) என்றும் பொருளாகும்.ஆனால், 'லதா' என்பதற்கு 'கொடி' என்பதைத் தவிர, மற்ற, தகுந்த பொருளேதும் இல்லை. எனவே, பரம்பரையாகக் கொடுக்கப்பட்டுள்ள பொருளாகிய, 'கொழுந்து வெற்றிலையை விரும்புபவள்' என்ற பொருளே இங்கும் ஏற்கப்பட்டது.
Top

⁵ - ஸாம்ராஜ்யமு - புத்தகங்களில், இதற்கு, 'முத்தி' என்றும் 'பேறு' என்றும் பொருள் கொள்ளப்பட்டுள்ளது. என் சிற்றறிவுக்கு எட்டியவரை, ஒரு உண்மையான தொண்டன், இறைவனிடம், தனக்கு பக்தியொன்றே வேண்டும் என்றுதான் கேட்பான். அங்ஙனமே, இங்கும் 'பக்திப் பேரரசு' என்று பொருள் கொள்ளப்பட்டது.

⁶ - சிதா₃னந்த₃ ரூபுடை₃யுன்ன - சித்-ஆனந்த வடிவினனாயுள்ள - இவ்விடத்தில், 'உள்ள' என்பது, பரம் பொருளின் இலக்கணமாகிய 'சத்' (sat) என்பதனைக் குறிக்கும் என்று நான் நினைக்கின்றேன். எனவே, இந்த சொற்றொடர், பரம்பொருளின் மூவிலக்கணமாகிய, 'சத்-சித்-ஆனந்தம்' (சச்சிதானந்தம்) என்பதைக் குறிக்கும்.

சித்-உருவினள் - 'பிரக்ஞை' எனப்படும் 'தன்னுணர்வு' உருவினள்
மிருடானீ - அம்மையின் பெயர் - 'மிருடன் (சிவன்) இல்லாள்' என்றும் பொருள் கொள்ளலாம்.
Top